Birinci Bölüm:

Sənə¬tə, Elmə, Fəlsəfəyə, Ruhaniyyata yönəlik

ATA SÖYLƏMLƏRİ – DƏYƏRLƏNDİRMƏLƏRİ

MÖMİNLİK ÇEŞİDLƏRİ
Katolisizm – Kilsə ibadəti.
Protestantizm –Şəxsi ibadət.
İslam – İlahi Qismət itaəti.

21 İnam günü, İşıq Ayı, 11-ci il. Bakı.

RƏŞİD BEHBUDOV
İstedadlı Lotuydu – arsız, hiyləgər, yaltaq.

SÜLEYMAN RÜSTƏM

Manşırlanmış Şər nökəri, abırsız, idraksız, məddah, təmənnalı şüarşünas, pozğun boyunduruqpərəst, ehtiraslı xalqsatan.

MİRZƏ İBRAHİMOV

Şöhrət Aşiqi – həm oynadılan, həm oynadan, həm çalınan, həm çalan; həm sürünən, həm süründürən; əxlaq tanımayan, əqidə tanımayan – əxlaqlı tanınan, əqidəli tanınan.

13 Ümid günü, Şölə Ayı, 11-ci il. Bakı.

MANQURTLUQ
Çingiz Aytmatovların daxilində bitən Ağac.

FƏALİYYƏT
Sovet ədəbiyyatı adamları yalana alışdırdı.

14 Dözüm günü, Şölə Ayı, 11-ci il. Bakı.

TÖHFƏ
Zeynəb Xanlarovada sənət küçələşdi.

16 Qismət günü, Şölə Ayı, 11-ci il. Bakı.

FƏRQ
Qız seçmək – Ticarətdir, Qız sevmək – Sevda.

VAQİF
Bambılı, ruspərəst molla, təbli şəhvət müəllimi.

PUŞKİN
Əxlaqsızlığıyla fəxr edən, murdar, çirkin, qafiyəçi.

18 İnam günü, Şölə Ayı, 11-ci il. Bakı.

RUHSUZLUQ
Avropa mədəniyyətində dressiləşmə ruhsuzluğu hökm sürür.

OYUNA SƏCDƏ
Kino-aktyorlardan Allah düzəldir Avropa – Oyunu ilahiləşdirir.

DÜNYASIZLIQ
Abırsızlıq – Dünyasızlıqdır. Avropalılar Dünyasızlaşırlar.

AVROPA NAŞILIĞI
Maddi Tərəqqi vasitəsiylə Səadətə çatmaq niyyəti.

MADDİYYATÇI QİYMƏTİ
Dünyanı maddiyyatla qiymətləndirdilər – Dünyanı qiymətdən saldılar.

AVROPA MÖMİNLİYİ
Əşyanı o qədər sevdilər ki, Əşyaya çevrildilər.

İCTİMAİ QİYMƏT
Bacarıq qazancla ölçüləndə əşyalaşır – satılır, alınır.
Bu baxımdan milyonçu, əslində əşyadır.

HƏQİQƏT
Ağalıqdan böyük Gədalıq yoxdur əslində.

AVROPA ZAHİRİLİYİ
Avropada Daxili Boşluq var – Zahiri Fəallıqla doldurulan.
Daxili Süstlük var – Zahiri Həşirlə pozulan.
Daxili Həqarət var – Zahiri Mədəniyyətlə pərdələnən.
Avropada şux murdarlıq var, süni təbiilik, cazibəli qəddarlıq var, mərhəm yağılıq var, yetkin oyunçuluq var.
Avropa sürətlə Mənadan qaçır.
“Yeni sosialistlər” Avropaya çatmağa tələsiyir.

NƏTİCƏ
Açıq-saçıqlıqda heyvan aşkar oldu.
Çılpaqlandıqca – bədənləşdilər.

19 Arzu günü, Şölə Ayı, 11-ci il. Bakı.

AVROPA AQİBƏTİ
Avropada Vatikan var, Kilsə var – ancaq Avropalıların Allahı Maddiyyatdır.

MİRZƏ FƏTƏLİ AXUNDOV

Antişərq məfkurəli çar çinovniki, İmperiya nökərlərinin üfürdüyü köpük – Sənətkar olmayan, Filosof olmayan, Tənqidçi olmayan.

20 Ümid günü, Şölə Ayı, 11-ci il. Bakı.

AVROPA ŞUXLUĞU
Həyanı özlərinə Yük eləmirlər.

GÜNƏŞSİZLİK
Melodiya – musiqinin Günəşidir.
Bu səbəbdən də yeni Qərb estradası – Günəşsizdir, çünki melodiyasızdır.

FƏRƏHSİZLİK
Arsız fərəh olmur – Arsızın Fərəhi olmur.

YAZIÇI NİFRƏTİ
Yazıçıların çoxu Əsərlərində nifrət etdiklərinə həyatda məhəbbət bəsləyirlər.

SOVET TƏNQİDÇİSİ
Ədəbi Hambal.

SOVET FİLOSOFU
Dövlət nökəri.

BOŞLUQ
Cəmiyyət nə yaradıbsa – Boş yaradıb, əslində böyük bir Boşluq yaradıb!
Dəhşətli Boşluğa düşüb İnsan – çıxa bilmir!

21 Dözüm günü, Şölə Ayı, 11-ci il. Bakı.

MÜASİR ƏDƏBİ QAZANLAR
İçəriləri boşdur – ona görə danqıldayırlar.

22 Mərhəm günü, Şölə Ayı, 11-ci il. Bakı.

ADSIZLAR
Aşıq Hökumətdən ad istəyir,
Xanəndə Hökumətdən ad istəyir,
Şair Hökumətdən ad istəyir,
Alim Hökumətdən ad istəyir –
Aşıq, Xanəndə, Şair, Alim adlarından iraq.

KONSERVATORİYA BEYNƏLMİLƏLÇİLİYİ
Azərbaycan xalq mahnılarını əcnəbisayaq oxumaq.

24 Murad günü, Şölə Ayı, 11-ci il. Bakı.

GÖZƏLLİK MÜSABİQƏSİ
Ruhani Eybəcərlik.

8 Murad günü, Od Ayı, 11-ci il. Bakı.

JURNALİZM ŞƏRİ
Həşirlik – Şərlikdir.

MƏTBUAT HƏQİQƏTSİZLİYİ
Gün Həqiqəti olmur, Ay Həqiqəti olmur, İl Həqiqəti olmur, Zaman Həqiqəti olmur – Həqiqət həmişəlikdir.
Bu səbəbdən də Mətbuat – Həqiqətsizdir.

9 İnam günü, Od Ayı, 11-ci il. Bakı.

HƏQİQƏT
Müasir Teatr əslində camaatı süniləşdirir, aktyorlaşdırır.

7 Arzu günü, Qürub Ayı, 11-ci il. Bakı.

DƏB
Mövcud olan – Var olmayan.

25 Qismət günü, Qürub Ayı, 11-ci il. Bakı.

HƏQİQƏT
Materializm Dünyanı Ayağı üstə qoymur – Ayağa salır.

HƏQİQƏT
Azərbaycan maarifçiləri (Axundov və s.) xalqı Yadlaşma yoluyla irəli aparırdılar, əslində uçuruma salırdılar.

HƏQİQƏT
İnqilabdan qabaqkı Azərbaycan millətçiləri çarizmə dözürdülər – bu, onların ən böyük fəlakəti idi – xalqa verilən.

HƏQİQƏT
Təzəliyi bizə özgələr gətirdi – bu səbəbdən də Təzəlik bizi özgələşdirdi.

23 Mərhəm günü, Qürub Ayı, 12-ci il. Bakı.

HƏQİQƏT
Şəhvətdə Həyat insanı oynadır –Məhəbbətdə İnsan Həyatı.

HƏQİQƏT
Şəhvətə yumulan Göz – Məhəbbətə açılır.

HƏQİQƏT
Məhəbbət – Şəhvətin üzünü ağardır, üstünü örtür.

HƏQİQƏT
Həyatın Rəmzi –Şəhvət.
Amalın Rəmzi – Məhəbbət.
Ailə – məhəbbətləşən Şəhvət, Amallaşan Həyat.

HƏQİQƏT

Sevda – İlahi münasibət kimi başlayır – cinsi münasibət kimi davam eləyir.
Həyat Sevdanı ilahilik taxtından salır – İnsanı Əksildir.
Ailə – cinsiliyə Atalıq, Analıq ülviliyi gətirir; cismani – ruhaniləşir, həyatın bəd əməli yarımçıq qalır; məhəbbət Ocağının közü sönmür.

24 Qismət günü, Qürub Ayı, 12-ci il. Bakı.

HƏQİQƏT
Gün görməyən – Günü görür.
Gün görən – Günü görməyir.

26 İnam günü, Qürub Ayı, 12-ci il. Bakı.

B.VAHABZADƏNİN “ŞƏHİDLƏR” POEMASI
Bugünün səviyyəsində Haray: Allahlı, Şeyxli, Xəlil Rzalı, Puşkinli…

29 Dözüm günü, Qürub Ayı, 12-ci il. Bakı.

HƏQİQƏT
Təbiət – Zorakıdır. Zorla gətirir, Zorla aparır.

4 Ümid günü, Ata Ayı, 12-ci il. Bakı.

BƏDİİ HADİSƏ
Kədər Kosmetikası.

7 Qismət günü, Ata Ayı, 12-ci il. Bakı.

HƏQİQƏT
Adam – Zamanın Yavrusu.
İnsan – Zamanın Yağısı.

1Arzu günü,Xəzan Ayı, 12-ci il. Bakı.

VƏZİYYƏT
Ailə – Adamı Həyat üçün böyüdür – Amal üçün Böyütmür, bu səbəbdən də o, Adamlığı qoruyur, İnsanlıqdan qorunur.

RUHANİ PEDOQOQİKA
Tərbiyə – Zamanı ötmək.
Tərbiyəsizlik – Zamana uyğunlaşmaq.

3 Dözüm günü, Xəzan Ayı, 12-ci il. Bakı.

(ardı var)