Oktyabr 28th, 2013 
admin 
TƏZƏ DÖVLƏTÇİLİK
Kooperativ – Dövlət artığı.
İcarə – Dövlət təhkimçiliyi.
Təsərrüfat hesabı – Dövlət kölgəsi.
Fərdi Təsərrüfat – Dövlət Zəkatı.
QORBAÇOVUN ÇİN SƏFƏRİ
Kommunist Soyuqluğu, İnamsızlığı, Nəticəsizliyi, Gələcəksizliyi.
TƏZƏ HƏKİM
Azərbaycanın yaralarını artistlərə titul paylamaqla sağaldır valimiz!
EYBƏCƏRLİK VARİSLİYİ
Brejnevin memuarları, Qorbaçovun Raisası.
19 Qismət günü, İşıq Ayı, 11-ci il. Bakı.
AŞKARLIQ
Mahiyyəti gizlətmək üçün Üsul.
SOVET ZİYALISI
Qaranlıq yayan.
HADİSƏLƏR
Demokratik kapitalizm – Azad Dəllallıq.
Demokratik sosializm – Azad Məhrumiyyət.
Humanist sosializm – İnsani Məhrumiyyət.
QORBAÇOVŞİNANIN “YENİ SOSİALİZMİ”
Sosializm – mərkəzləşmə deməkdir –
qeyri-mərkəzləşməyə sığınıblar!
Sosializm – ümumiləşmə deməkdir – Xüsusiliyə sığınıblar!
Sosializm vahidlik deməkdir – Müxtəlifliyə sığınıblar!
Kapitalizm yönlü “Sosializm” yaradırlar “yeni sosialistlər”.
STALİN MƏSƏLƏSİ
Qorbaçovşina Sosializmin cinayətlərini Stalinin üstünə yıxır; Yevreizm Trotskinin, Zinovyevin intiqamını alır Stalindən; Ziyalılar öz siyasi anlaqsızlıqlarını humanizmlə pərdələyirlər – əslində isə Stalin başdan-binadan marksist idi – bu səbəbdən də əzəmətli və dəhşətli Zindan yaratdı.
URVATSIZ ELƏYƏN
Qorbaçov rusları azsaylı millətlərin gözündə urvatsız eləyir, ordunu əhalinin gözündə urvatsız eləyir, nazirlikləri zəhmətkeşlərin gözündə urvatsız eləyir ki, özü Urvatlı görünsün – Urvatsız yolla Urvat qazanmaq istəyir.
Amalın dilində buna Gədalıq deyirlər.
Şərin dilində siyasi məharət sayılır.
QORBAÇOVUN MİLLİ BARIŞIQ SİYASƏTİ
Aramsız milli boğuşma həqarəti.
KOMMUNİST YALANI
Kommunist Partiyası heç vaxt Fəhlə partiyası olmayıb, İdeologiya partiyası olub.
Fəhlə sinfinin əslində heç vaxt öz partiyası olmayıb.
Marksizm heç vaxt Fəhlə ideologiyası olmayıb, Yer cənnəti haqqında əsatir olub.
Fəhlə sinfinin əslində heç vaxt öz ideologiyası olmayıb.
TƏZƏ SİYASİ TƏFƏKKÜR
SSRİ ilə müqaviməti zəiflətmək səyi.
“SOYUQ MÜHARİBƏ”
Kommunizmə silahsız müqavimət.
TÜRKİYƏ SOVETPƏRƏSTLƏRİ
Türk özgələşənləri, özgələşdirənləri.
20 Murad günü, İşıq Ayı, 11-ci ilş Bakı.
QANUNAUYĞUNLUQ
SSRİ-lə ittifaqda olanın tifaqı dağılır.
SOVETLƏRİN XEYİRXAH QONŞULUĞU
Daxilə Şər yeritmək.
KOMMUNİSTLƏRLƏ HÖKUMƏT KOALİSİYASI
Uçurumda Birləşmək!
ÜÇÜNCÜ DÜNYA MÜHARİBƏSİ TƏHLÜKƏSİ
Kommunistləşmədən qorunmaq Səyi.
İMPERİALİST SİYASƏT
Kommunistləşdirmə Zoru.
BEYNƏLMİLƏL TƏRBİYƏ
Antixəlqi özgələşmə
PROLETAR İNQİLABININ NƏTİCƏSİ
Total (hərtərəfli) proletarlaşma.
MARKSİST ŞÜAR
Bütün marksist ölkələrin xalqları deyə bilərlər ki, “bizim zəncirdən başqa itiriləsi bir şeyimiz yoxdur”.
BOYUNDURUQÇU İNAMI
Hamam vasitəsiylə xalqı boyunduruqda saxlayacağam!
Qaz vasitəsiylə xalqı boyunduruqda saxlayacağam!
Novruz Bayramı vasitəsiylə xalqı boyunduruqda saxlayacağam!
Xalqa inanmadığım dərəcədə özümə inanıram!
KLASSİK ANTİSOVETİZM
Antisovet Muğam.
Antisovet Saz.
Antisovet Füzuli.
Antisovet Nəsimi.
SOVET ZİYALISI
Xurafata satılmış.
FƏHLƏ SİNFİ
Kommunist Hakimlərinin ayaqlarının altında kəsilən qurbanlıq.
SİYASİ XƏTLƏR
Sağçılar – Sabitçilər.
Solçular – dəyişçilər.
Kommunistlər – Dəyişçi Gerilikçilər.
DEMOKRATİK SOSİALİZM
Əsarət naminə azadlıq.
ƏSARƏT BÜTÖVLÜYÜ
Kommunizm əsarətindən bütöv əsarət yoxdur əslində, başqa əsarətlər onun yanında natam görünür.
QAÇAĞAN
Əfqanları qoyub qaçdı, Nikaraqualıları qoyub qaçdı – erməniləri də qoyub qaçacaq – yenilikçi Qaçağan.
TƏZƏ ALİ SOVET
“Demokratik” partiya teokratiyası.
(“İlahi” hakimiyyəti)
QÜDRƏT
Kommunizmin qənimi – millətçilikdir.
FƏRQ
Amerika Dünyaya rəhbərlik etmək istəyir.
SSRİ Dünyaya sahib olmaq istəyir.
Dünyaya rəhbərlik etmək – günahdır.
Dünyaya sahib olmaq – cinayətdir.
Sov.İKP-də QRUPLAŞMA
1. Yenilikçilər” qrupu – Əqidəsizlər.
2. “Konservativ” qrup – Yanlış əqidəçilər.
Birinci – Hüquqlu, Hakim; ikinci – Hüquqsuz, Məhkum.
VƏZİYYƏT
İndi Dünyada bir imperialist dövlət var əslində: SSRİ.
TÜRKİYƏ FACİƏSİ
Kommunizmə qarşı Birlik yaranmır, Anarxiya aradan qalxmır, Millətçilik qələbə çalmır.
21 İnam günü, İşıq Ayı, 11-ci il. Bakı.
MÜASİR TÜRKİYƏ
Şərq ölkələri arasında ən qüdrətli Antikommunist.
SOVETPƏRƏST QABAQCILLAR
Uçurumçular.
SOVET QƏHRƏMANLARI
Yelsin – Yüyürəkliyində ayağını sındıran.
Liqaçov – Yorğalığında təntiyən.
YENİ SİYASİ İSLAHAT
Partiya Dövləti əvəzinə – Dövlət Partiyası.
LENİN MİLLİ SİYASƏTİ
Siyasətdə Doğmalıq olmur – Rəqabət, Yadlıq, Yağılıq olur.
Siyasətin bir sifəti olmur – Siyasət ikiüzlüdür.
22 Arzu günü, İşıq Ayı, 11-ci il. Bakı.
QORBAÇOVŞİNA SABAHI
Anarxiya, Xaos, Gərginlik – nəticədə Qadirsizlik.
TARİXİ HADİSƏ
Beynəlmiləlçilik Qeyrətsizliyi.
23 Ümid günü, İşıq Ayı, 11-ci il. Bakı.
GERİYƏ İRƏLİLƏMƏK
İctimai mülkiyyəti “xüsusiləşdirirlər”, soveti parlamentləşdirirlər, planlı iqtisadiyyatı bazarlaşdırırlar – kapitalizmin ətəyindən yapışırlar “yeni sosialistlər”.
MÜNASİBƏT
Qorbaçovşinadan istifadə etmək – Qorbaçovşinanı ifşa etmək.
SÜRÜ BƏRABƏRLİYİ
Kommunizm fərdiyyət tanımır, bu səbəbdən də azadlıq tanımır.
Sürü bərabərliyində amansız əsarət yaşayır.
OLANDAN ÜSTÜN
“Həm sosializm, həm kapitalizm!” – deyir əslində “yeni sosialistlər”.
“Nə sosializm, nə kapitalizm – Ruhani cəmiyyət!” – demək gərək!
MƏNƏVİ QITLIQ
Kapitalizmin ətəyindən yapışmaqdan çəkinmirlər sosialistlər.
SƏBƏB – NƏTİCƏ
“Nazirliklər İqtisadiyyatı boğur!” – deyirlər –
“İctimai Mülkiyyət İqtisadiyyatı boğur!” – demirlər.
“Aqrosənaye İqtisadiyyatı boğur!” – deyirlər –
“Kolxoz İqtisadiyyatı boğur!” – demirlər.
İdarələrdə Səbəb axtarırlar – Quruluşda səbəb axtarmırlar.
GÜCLÜ MƏRKƏZ – GÜCLÜ MÜTTƏFİQ
RESPUBLİKA OYUNU
İkibaşlılıq Yalanı.
TƏZƏ QLOBAL SİYASƏT
Məzhəbsiz sağ qalma.
XALQ DEPUTATLARI QURULTAYI
Kukla teatrı. Qorbaçovun oynatdığı “müstəqillər”. Qorbaçovun özünün kuklalığı.
24 Dözüm günü, İşıq Ayı, 11-ci il. Bakı.
SOVETLƏR QURULTAYINDA QORBAÇOV XƏTTİ
“Ölkə mənsiz batar, çünki mən ölkəni batırmışam”.
TƏZƏ YOL
Həşir Şərçiliyi.
SOVETLƏR QURULTAYINDA SAXAROV XƏTTİ
“Qorbaçovdan yaxşısı yoxdur, çünki mənə yarayır”.
25 Mərhəm günü, İşıq Ayı, 11-ci il. Bakı.
QURULTAY “XƏLQİLİYİ”
Hakimiyyət uğrunda boğuşma.
QORBAÇOV GÜZƏŞTÇİLİYİ
Hamıdan Üstün görünmək üçün, hamıya əksilir.
QURULTAYDA VƏZİYYƏT
Ölkə Başsızdır, bu səbəbdən hamı baş aparır.
Posted in 