İnsanlığa işıq saçan Ulusdum,
Xəta oldu, bir ehkamla buluşdum…
Ürəyində Günəş olsun, a dostum!
Tanrı haqqı-məni-məndə saxlayır.

Məzhəbləri savaş qurub, qaldadır,
Qara çadra qaranlıqdan daldadır,
Min ildi ki, “nağılında” aldadır,
“O bir Allah” hələ bəndə saxlayır.

”Huri-mələk” gəzir “halal cənnət”i,
” Yetmiş iki” sayı, gəl al, “cənnət”i.
Kef çəkməyə etmə xəyal, “cənnət”i,
“O dünya”nı salıb fəndə, saxlayır.

Yağmalayıb, yekə bossdar apardı,
Üzdə gülüb, dalda astar apardı,
Gah fars-ərəb, gah da rusdar apardı,
Türk adımı hələ gendə saxlayır.

“Hinkir-minkir” sualları bitməz ki,
Molla-azan “kuralları” bitməz ki,
“Min bir gecə” nağılları bitməz ki,
Min bir “sirri” hələ cində saxlayır.

Otuz arvad hüzurunda poz alıb,
Hərəsindən neçə-neçə naz alıb,
Nə olsin ki, doqquz yaşda qız alıb?
“Şərəf” verib, kefdə-şəndə saxlayır.

Həqiqətə, Mütləqimə sarındım,
İnsanlaşıb, insanlığa barındım,
Kamilləşə-kamilləşə arındım,
Uca Amal məni öndə saxlayır.