Aşiqlik aqibəti. Peyğəmbərlik aqibəti. İmtina qətiyyəti.
Duyğu ciddiyyəti. Vəcd əzəməti.
Ülvi səda hikməti. Ali kəlam qüdrəti.
Heyranlıq təlatümü. Vurğunluq təlatümü.
Müqəddəs istək. Müqəddəs ürək. Müqəddəs gözlər.
Müqəddəs əllər. Müqəddəs Səma. Müqəddəs ana.
Müqəddəs torpaq. Müqəddəs kəlam.
Müqəddəs sükut. Müqəddəs məqam.
Səhər müqəddəsliyi.
Gecə müqəddəsliyi.
Çay müqəddəsliyi.
Dağ müqəddəsliyi.
Xatirə müqəddəsliyi.
Əməl müqəddəsliyi.
Mütləqlə söhbət. Ürəklə söhbət. Təbiətlə söhbət.
Ruh qanadı. Vəhy qanadı. Təb qanadı.
Müqəddəsçi taleyi.
Həqiqətçi taleyi.
Dözüm zirvəsi. Səbr zirvəsi.
Həsədə enməmək.
Fəsada enməmək.
Küdurətə enməmək.
İşrətə enməmək.
Harınlığa enməmək.
Azğınlığa enməmək.
Məhəbbət ucalığında yaşamaq.
Sədaqət ucalığında yaşamaq.
Saflıq ucalığında yaşamaq.
Səcdə ucalığında yaşamaq.
İlkinlik ucalığında yaşamaq.
Kamillik ucalığında yaşamaq.
Bədəni çirkabdan qorumaq.
İnamı inkardan qorumaq.
Yalandan imtina.
Yamandan imtina.
İblisdən ayrılma.
Xəbisdən ayrılma.
Köləlik yükündən imtina.
Kölgəlik yükündən imtina.
Tərəddüd yükündən imtina.
Təkəbbür yükündən imtina.
Aldanış yükündən imtina.
Yalvarış yükündən imtina.
Qorxaqlıq yükündən imtina.
Alçaqlıq yükündən imtina.
Qaranlıqda görmək.
Səhrada bitmək.
Soyuqda isitmək.
Gurultuda eşitmək.
Qibtəyə enməmək.
Fitnəyə enməmək.
Saxta rəngə uymamaq.
Bəd ahəngə uymamaq.
Tufandan sarsılmamaq.
Çovğundan sarsılmamaq.
Ruh səbatlığı.
Ruh qanadlığı.
Ruh analığı.
Ruh coşğunluğu.
Ruh rəvanlığı.
Ruh qədimliyi.
Ruh mətinliyi.
Ruh həqiqəti.
Ruh səadəti.
Yollar çağırışı. Müqəddəs dillər çağırışı.
Nurani üzlər çağırışı. Silinməz izlər çağırışı.
Çirkinliyə bulaşmamaq. Qəbahətlə barışmamaq.
Xalisi hərisdən qorumaq.
Qabili cahildən qorumaq.
Aşiqi naşıdan qorumaq.
Çirkabı eşitməmək. Günahı eşitməmək.
Əyyaşı eşitməmək. Sərxoşu eşitməmək.
Əzabın qədərini unutmamaq.
Sevincin kədərini unutmamaq.
Yoxuşların sayını unutmamaq.
Yaraların ağrısını unutmamaq.
Yüksəkliyə qalxırsan, İnsan!
Fəqət orada qala bilmirsən!
Alçaqlara enirsən.