1. Tanrı təkdir.
2. Hər kim Tanrıdan qut almaq istəyirsə, başqasına yalvarmasın.
3. Bir ölkə, bir Xaqan, bir Tanrı.
4. Bir qına iki qılınc girməz. Bir xatun iki ərə gedə bilməz və bir ulusda iki törə ola bilməz. Törə təkdir. Törə qəti və kəskindir. Kim törəyə itaət etsə qutlanar (müqəddəs enerji), kim törəyə qıysa, qatlanar.
5. Heç kim törədən üstün deyil, dirilik və birlik üçün törə budur.
6. Bir çoban sürüsündən, bir ər ailəsindən, bir Xaqan ulusundan soruşular.
7. Hər kişi xanımına, atına, silah-sursatına sahib çıxacaq.
8. Ana-ataya, babaya təzim ediləcək.
9. Qohumu qucaqlayacaq, qonşuna göz-qulaq olacaqsan.
10. Ər kişi yalan söyləməyəcək. Ardını oxu »
Bilgə Xaqan kitabəsi. Ən qədim türk TÖRƏsi.
1. Tanrı təkdir. 2. Hər kim Tanrıdan qut almaq istəyirsə, başqasına yalvarmasın. 3. Bir ölkə, bir Xaqan, bir Tanrı. 4. Bir qına iki qılınc girməz. Bir xatun iki ərə gedə bilməz və bir ulusda iki törə ola bilməz. Törə təkdir. Törə qəti və kəskindir. Kim törəyə itaət etsə qutlanar (müqəddəs enerji), kim törəyə qıysa, qatlanar. […]
Böyükağa Məmmədov. Gəlimli-gedimli dünya!
Aylı gecələrdə incilər xəzinəsi asimana baxsanız… ulduzlar… yaxın görünən uzaq ulduzlar görərsiniz. Ulduz var ki, onu yerə düşürsələr asiman yaraşıqdan düşməz, ulduz da var ki, göylərin əlindən alınsa göylər əliuzalı qalar. Azərbaycan ədəbi üfüqlərində dərin fəlsəfi fikirləri parlayan ulduzlardan biri də Asif (Ata) Əfəndiyevdir. O, ədəbiyyatşünaslığımıza tənqidçı-filosof kimi gəlmiş, ədəbiyyatımıza isə Qərbi Avropa, xüsusən də […]
Soylu Atalı. Olanı Görmək – Özümlüyə yetməkdir
…Hər bir insanın, başqalarının üstünlüklərini, ləyaqətlərini görməsi – başqalarının deyil, daha çox özünün xeyrinədir. Məsələn, filankəs mənəviyyatlı, həm də yetənəkli (istedadlı) adamdır. Deyək ki, yaxşı şeir yazır. Bunu mən görməliyəm, danmalı deyiləm. Görmək nədir, danmaq nə?! – Görmək, dediyimiz kimi, Olandan daha çox görənin xeyrinədir. Olan yetənəyi ilə, yaradıcılığı, üstünlüyü ilə mənim görüşümə, ortamıma gəlir, […]
Asif Ata. Xeyir
Xeyir – hadisə deyil, mahiyyətdir, sonlu deyil, sonsuzdur, ölümlü deyil, ölümsüzdür. Xeyir – ruhun özüdür. Buna görə də o, gerçəklikdən artıqdır, böyükdür, alidir. Xeyirin məqsədi – nisbini mütləqləşdirmək, sonlunu sonsuzlaşdırmaq, qeyri-kamili kamilləşdirmək, ölümlünü ölümsüzləşdirməkdir. Xeyir əslində yeni gerçəklik yaradır. Xeyir – Mütləq mənanın Mütləq şəkildə təsdiqidir. Gözəllik – xeyir səviyyəsinə qalxmır, xeyir gerçəklik səviyyəsinə enmir, […]
Soylu Atalı. Yenilik çətin alışılan yaşam olsa da…
İnsanlar hər hansı bir yeniliyə alışana kimi çətinliklər yaşamalı olurlar. Dedi-qodu, söz-söhbət yaranır. Ancaq getdikcə hər şey axarına düşür. Sonralar, hansısa tələbdən, zərurət üzündən başqa bir yenilik vermək istəyəndə ona qarşı dirənməyə çalışır, özünün bundan öncə alışdığı (vərdiş elədiyi) həyat tərzini qorumaq istəyir. Oturuşmuş, vərdiş elədikləri qaydaların dəyişməsi həm ağır gəlir, həm də pis görünür […]
Bilgə Xaqan kitabəsi. Ən qədim türk TÖRƏsi.
İyun 7th, 2025 
admin 
Böyükağa Məmmədov. Gəlimli-gedimli dünya!
İyun 7th, 2025 admin Aylı gecələrdə incilər xəzinəsi asimana baxsanız… ulduzlar… yaxın görünən uzaq ulduzlar görərsiniz. Ulduz var ki, onu yerə düşürsələr asiman yaraşıqdan düşməz, ulduz da var ki, göylərin əlindən alınsa göylər əliuzalı qalar.
Azərbaycan ədəbi üfüqlərində dərin fəlsəfi fikirləri parlayan ulduzlardan biri də Asif (Ata) Əfəndiyevdir. O, ədəbiyyatşünaslığımıza tənqidçı-filosof kimi gəlmiş, ədəbiyyatımıza isə Qərbi Avropa, xüsusən də fransız ədəbiyyatında dəbdə olan ədəbi-bədii esse janrını gətirmişdi. Bu janrda ilk mükəmməl fəlsəfi əsərlər yazmaqla özünün geniş ensiklopedik zəkaya malik unikal bir yaradıcı şəxsiyyət olduğunu təsdiq edərək şöhrət zirvəsinə ucalmışdır. Ardını oxu »
Soylu Atalı. Olanı Görmək – Özümlüyə yetməkdir
İyun 7th, 2025 admin …Hər bir insanın, başqalarının üstünlüklərini, ləyaqətlərini görməsi – başqalarının deyil, daha çox özünün xeyrinədir. Məsələn, filankəs mənəviyyatlı, həm də yetənəkli (istedadlı) adamdır. Deyək ki, yaxşı şeir yazır. Bunu mən görməliyəm, danmalı deyiləm. Görmək nədir, danmaq nə?! – Görmək, dediyimiz kimi, Olandan daha çox görənin xeyrinədir. Olan yetənəyi ilə, yaradıcılığı, üstünlüyü ilə mənim görüşümə, ortamıma gəlir, – mənəvi həkim kimi gəlir. Bu gəlişdə mənim qurtuluşum var. Bu qurtuluşun anlamı belədir, – mən səni görməliyəm, sənin üstünlüyünü deməliyəm. Deyirəmsə, içimdəki balacalığı, paxıllığı, mənəvi böyüməyimə əngəl olan hər bir cılızlığın mənim üzərimdəki hökmünü rədd etmiş, etkisini ortadan qaldırmış oluram. Demirəmsə, görmək istəmirəmsə içimdəki balacalığı, paxıllığı qorumuş oluram. Balacalıq – böyüyə bilməmək yazıqlığıdır, paxıllıq fiziki xəstəlikdir, ruhu elə günə qoyur ki, bədən gerçəkdən xəstəlik tapır. Başqasının böyüklüyünü, üstünlüyünü görməklə həm mənən böyüyürəm, həm də potensial fiziki xəstəliyi ortadan qaldırıram. Xəstəliyi sağaldıram (müalicə eləyirəm). Ardını oxu »
Asif Ata. Xeyir
İyun 3rd, 2025 admin Xeyir – hadisə deyil, mahiyyətdir, sonlu deyil, sonsuzdur, ölümlü deyil, ölümsüzdür.
Xeyir – ruhun özüdür.
Buna görə də o, gerçəklikdən artıqdır, böyükdür, alidir.
Xeyirin məqsədi – nisbini mütləqləşdirmək, sonlunu sonsuzlaşdırmaq, qeyri-kamili kamilləşdirmək, ölümlünü ölümsüzləşdirməkdir.
Xeyir əslində yeni gerçəklik yaradır.
Xeyir – Mütləq mənanın Mütləq şəkildə təsdiqidir.
Gözəllik – xeyir səviyyəsinə qalxmır, xeyir gerçəklik səviyyəsinə enmir, ancaq gerçəkliyi bir vəziyyətdə qalmağa qoymur, onu özündən kənara çıxarır.
Xeyir – gerçəklikdən üstün olan xalis ruhanilikdir.
Xeyir – gerçəklikdə aşkara çıxan xeyirlidən hədsiz dərəcədə artıqdır. O, özünü həyatın əbədi gedişatında tam büruzə verir. Ardını oxu »
Soylu Atalı. Yenilik çətin alışılan yaşam olsa da…
May 28th, 2025 admin İnsanlar hər hansı bir yeniliyə alışana kimi çətinliklər yaşamalı olurlar. Dedi-qodu, söz-söhbət yaranır. Ancaq getdikcə hər şey axarına düşür. Sonralar, hansısa tələbdən, zərurət üzündən başqa bir yenilik vermək istəyəndə ona qarşı dirənməyə çalışır, özünün bundan öncə alışdığı (vərdiş elədiyi) həyat tərzini qorumaq istəyir. Oturuşmuş, vərdiş elədikləri qaydaların dəyişməsi həm ağır gəlir, həm də pis görünür adamlara. Bəzən qabaqcıl ideyalara tapınıb toplumun vərdişlərindən ayrılanlar, başqa qaydalara əməl edənlər yerdə qalanlar üçün dəlilik etkisi bağışlayırlar. Belələrinin haqqında hər cür söz-söhbətlər yaranır. Ancaq yeniliyin gərəklimi, gərəksizmi olduğunu öyrənmədən ona “yox” demək gerilikdir. Bayağı vərdişləri qoruyub saxlamaqda israrlı görünən (mühafizəkar olan) toplum nəinki tərəqqiyə qatılmır, ona əngəl olur. Toplum köhnəliyə sadiq qalmağı dəyərlərə inanmağı ilə bağlayır(əsaslandırır). Ancaq yenilik adına ortaya çıxan bayağı gedişlərə daha tez qapı açır, daha asan vərdiş edir toplum. Çünkü bioloji tələblərin, həyat həzlərinin ödənməsi asan başa gəlir. Ardını oxu »
Asif Ata. Gözəllik
May 22nd, 2025 admin Gözəllik nisbi biçimdə aşkara çıxır.
Ancaq Mütləqə xidmət edir.
Gözəllik cismani biçimdə aşkara çıxır.
Ancaq ruhaniyə xidmət edir.
Gözəllik sonlu biçimdə aşkara çıxır.
Ancaq sonsuzluğa xidmət edir.
Gözəllik ölümlü biçimdə aşkara çıxır.
Ancaq ölümsüzlüyə xidmət edir.
Gözəllik qeyri-kamil biçimdə aşkara çıxır.
Ancaq kamilliyə xidmət edir.
Gözəllik – rəmzdir, nişandır.
Onun təmsil elədiyi üzə çıxandan artıqdır, böyükdür, alidir. Ardını oxu »
Soylu Atalı. İnam – Məna Yoludur
May 17th, 2025 admin (Amaldaşlarla ürəkləşmə silsiləsindən parçalar)
Soylu Atalı: İnam məsələsi tanrısal məsələdir. Çünkü hər şeyin yönünü, anlamını bəlirləyib inanandan sonra işə başlayırsan, addım atırsan. İnanmadığın şeyə önəm vermirsən. Deyək ki, sənə deyirlər filan yerdə uçan boşqab gördüm, içindən çox sayda adamlar düşdü, boyları beləydi, üzləri eləydi. Sənə deyirlər, ağılın məntiqinə uyğun gəlmədiyi üçün sən buna inanmırsan. İnanmadığın üçün önəm vermirsən, düşünmürsən, araşdırmırsan. Sənin üçün boş xülya idi, qulağına gəldi, getdi.
İnam – deyilən sözün insanda olan tanrısal, ruhsal mənanın məntiqinə uyğun gəlməsi deməkdir. İnsanda ruhanilik var, onun mahiyyəti ruhanidir. Oxuduğu, eşitdiyi məsələlər onun mahiyyətinin tələblərinə uyğun gəlməlidir, beş duyğusu ilə qavraya bilmədiyi məsələyə onun mahiyyətindən adekvat reaksiya doğmalıdır. İnam odur ki, oxuduğun, eşitdiyin sənin mahiyyətinə düzgün mesaj verir. Ona görə inanırsan. Əgər sənin mahiyyətinə uyğun gəlməyən bir şeylər sənə mesaj ötürürsə onlara inanmırsan. (Söz yox, sən mahiyyətini bilən, dərk eləyən birisənsə). Ona görə deyirəm, inam tanrısal məsələdir. Var olmaya özgün olan hər şey ordan başlayır. Oxuduğun, eşitdiyin bir məsələni düşünməyə, araşdırmağa başladığın andan mahiyyətindən uyğunluq, qarşılıq, məntiq doğur. Çünkü qıraqdan gələn mesajın anlamı sənin mahiyyətindədir – İnsanlıqdadır. Qıraqdan mesaj veriləndə onun doğruluğu sənin mahiyyətində öz təsdiqini tapırsa inam yaranır. Ardını oxu »
Xaliq Bahadır. Ərdoğanın yeni, terrorsuz Türkiyə söyləmələri
May 17th, 2025 admin Çoxillik faktlardan çıxış etməklə “söyləncələri” yazmaq daha düzgün olardı. (Söyləncə ərəbin dilində “əfsanə” deməkdir). 23 illik hakimiyəti boyunca Ərdoğanın Türkiyə-Türklük yararına söylədikləri doğrulmadığından…söyləncəyə dönüşdü!
Yazıya “Ərdoğan Türkiyəni hara aparır” başlığı da qoymaq olardı, ancaq buna gərək yoxdur: Ərdoğan özünün dediyi kimi, BOP görəvlisi- eş başqanı olaraq Türkiyəni Proje Platformasında hara gətirməliydisə, ora da gətirib. Düzdür, bu, son deyil, sondan öncəki aşamadır. Sonun gətirilməsi üçün son çağlar ritorikasında geniş yer tutan özülsüz “barış sürəci”ni uğurla bitirsin deyə, ona daha bir neçə il gərəkir…
Böyük Ortadoğu Projesinin eş başqan yükümlüsü olaraq ƏrdoğanTürkiyəni gətirəcəyi yerə gətirib. Onun o başdan bu başa dedikləri daha çox “dedik”, etdikləriisə daha çox Projeuyğulaması olub.
Türkiyənin başına yenigətirilən çağlarında iki başlıca dediyi vardı: Osmanlıya qayıdış, islamçılıq. Bunların ikisi də Projedən qaynaqlanırdı: bununla Türk ulusu ona daha çox inanacaq, daha çox sarılacaq, daha çox da aldadılacaqdı.
Osmanlıya qayıdış Ardını oxu »
Göynur Atalı. Asif Atadan sistemləşən alıntılar…
May 6th, 2025 admin ÜRƏYİNİZDƏ GÜNƏŞ OLSUN!
TARİX həmişə əbədiliyə, kamilliyə, sonsuzluğa can atıb.
Bu baxımdan o, ruhanidir.
TARİX həmişə nisbini, qeyri-kamili, sonlunu təsdiq edib.
Bu baxımdan o, qeyri-ruhanidir.
TARİXDƏ nisbilik – Mütləqilik, sonlu – sonsuz, maddi – mənəvi biçimdə təzahür edib, qeyri-ruhanilik ruhanilik şəklində təqdim olunub.
TARİXDƏ ruhani niyyətlə qeyri-ruhani gerçəklik, ruhani məqsədlə qeyri-ruhani nəticə arasında daim uçurum olmuşdur.
TARİXDƏ möhtəşəmlik, qüdrət və tərəqqi adıyla qəddarlıq, amansızlıq, yırtıcılıq təsdiq olunub. Ardını oxu »
Xaliq Bahadır. Amerika gələcək…
May 2nd, 2025 admin Gerçək bir müxalifətçi dostumuz Rusiya-Ukrayna savaşı başlayandan tez-tez yazırdı: “Ukraynada savaşı bitirəndən sonra Amerika Güney Qafqaza, o sıradan Azərbaycana demokratiya gətirəcək”. Bir gün dözməyib ona kiçicik bir yanıt yazısı yazdım: “Amerika 1990-ların o başından Azərbaycandadır. Amerikaya Azərbaycanda demokratiya gərəksəydi, Amerika Azərbaycanda demokratiya olmasını istəsəydi, Azərbaycanda çoxdan demokratiya olardı. İstəmədi, olmadı”.
O dostumuz yapay suçlama ilə tutulub, türmədədir. Prof.Dr. Qubad İbadoğlu yapay suçlama ilə tutuqlananda ABD elçiliyi belə bir basmaqəlib bildiri yayımladı: “Qubad İbadoğlunun tutulmasını diqqətlə izləyirik”. Sözsüz, ABD elçiliyi o dostumuzun da tutulmasını “diqqətlə izləyir”, üstəlik, “dərin narahatlıq” keçirir. Özü də təkcə ona görə deyil, onun kimi yapay suçlamalarla tutulan bir çox başqa müxalifətçilərə görə də.
Ölkədəki sonu görünməyən qanunsuz politik tutuqlamaları biz də izləyirik, Avropa, Amerika da izləyir. Biz antidemokratik, korrupsioner rejim üzündən üzüntülü yoxsulluq içində izləyirik, onlar antidemokratik, korrupsioner rejimlə sümürgəçi sıx əməkdaşlıq içində izləyirlər! Ardını oxu »
