QAYDA
Dünya dəyişkəndir, ancaq Dəyişkənliyin özü Dəyişməzdir.
Dünyadakılar ötəridirlər, ancaq Ötəriliyin özü Əzəlidir.
Dünyadakılar keçicidirlər, ancaq Keçiciliyin özü Əbədidir.
Dünyadakılar sonludurlar, ancaq Sonluluğun özü Sonsuzdur.

DİALEKTİKAYA QARŞI

1

Ziddiyyət – əslində Mənasızlıqdır.

Dünyanın Mənasız əsası ola bilməz.

Dünyanın əsası – Bütövlükdür.

2

Ziddiyyətin həlli – Bütövlük əsasında baş verir.

Ziddiyyəti – Ziddiyyət aradan qaldırmır, Bütövlük aradan qaldırır.

DİALEKTİKAYA QARŞI

Əgər Hərəkətin əsası Ziddiyyətdirsə, onda    Hərəkət əsassızdır.

 14 Mərhəm günü, Çiçək Ayı, 16-cı il. Bakı.

 DİALEKTİKAYA QARŞI

Əgər Dünyanı Ziddiyyət irəli aparırsa, deməli, Dünya irəli getmir.

18 Arzu günü, Çiçək Ayı, 16-cı il. Bakı.

ƏSASLAR

Nikbinliyin əsası – Mütləqilik.

Bədbinliyin əsası – Nisbilik.

HƏQİQƏT

Kamillik – Naqislikdən azad olmaqdır.

Naqislik – Kamillikdən məhrum olmaqdır.

Kamillik – Azadlıqdır.

Naqislik – Əsarətdir.

YOXLUQ

İslam mədəniyyəti yoxdur – çünki İtaət mədəniyyəti olmur.

İslam ölkəsi yoxdur – cünki İtaət ölkəsi olmur.

İtaət dünyası yoxdur – çünki İtaət – Dünyasızlıqdır.

HAQSIZLIQ

Ağalıq Dairəsindən İnsan Haqqı – Haqsızlıqdır.

Nökərlik Dairəsində İnsan Haqqı – Haqsızlıqdır.

Təbəqəlik Dairəsində İnsan Haqqı – Haqsızlıqdır.

Özgələşmə Dairəsində İnsan Haqqı – Haqsızlıqdır.

Cəmiyyət Dairəsində İnsan Haqqı – Haqsızlıqdır.

HƏQİQƏT

Bütün cinayətlər Pulu Məqsəd saymaq cinayətindən başlanır.

 19 Dözüm günü, Xəzan Ayı, 16-cı il. Bakı.

ÜMİD SƏSİ

Nə qədər musiqi var – Ümid var.

Musiqi – Ümid səsidir.

 25 İnam günü, Sərt Ayı, 16-cı il. Bakı.

DUYĞU

Gördüm ki, Tərpənə bilmirəm, bildim ki, ölürəm;

Ölüm – Mütləq Haqsızlıqdır.

Dağlar aşmaq istədim; bildim ki, ölməyəcəyəm.

 16-cı il. Bakı. (1994)