Mütləqi tanımaq! Ulunu tanımaq! Ruhlunu tanımaq!
Torpaqda doğmalıq kəşf etmək! Dağlarda ucalıq kəşf etmək! Ürəyi riqqətə gətirmək! Üzü şəfəqə bürümək!
Peyğəmbəranə söz müqəddəsliyi! Aşiqanə göz müqəddəsliyi! Ata müqəddəsliyi! Ana müqəddəsliyi! And müqəddəsliyi! El müqəddəsliyi! Ev müqəddəsliyi! Vəcd müqəddəsliyi! Ehtizaz müqəddəsliyi! Dil müqəddəsliyi! Sirr müqəddəsliyi! Ülviyyət müqəddəsliyi! Mütləqlə görüş müqəddəsliyi! Ardını oxu »
Asif Ata. Cəmiyyət
Cəmiyyətin məqsədi ruhanidir: insanın ləyaqətini, böyüklüyünü, qüdrətini təsdiq etmək, sonsuz, əbədi, kamil mahiyyətini aşkara çıxarmaq. İnsan təklikdə özünə çata bilmirdi. O, cəmdə özünə çatmaq istədi. İnsanın daxilindəki ruhanilik – sonsuzluğa, əbədiliyə, kamilliyə meyil onu özündən kənara çıxmağa, özünü cəmiyyətdə tapmağa sövq etdi. Buna görə də o, öz azadlığını, sərbəstliyini cəmiyyətə tabe etdi. İnsan bu tabeçiliyi […]
Xaliq Bahadır. Türk dövlətlərinin antiTürk- antiTürkiyə paradı
“Avropaya İnteqrasiya” Projesi Olacaq oldu. Türk Dövlətləri Təşkilatını oluşduran dörd dövlət BMT TŞ-nin 541, 550 saylı qərarına uyğun olaraq Türkiyəni Kiprdə “işğalçı güc” olaraq tanıdı. Hansılar? Qazaxıstan, Özbəkistan, Türkmənistan, Qırğızıstan. Beləliklə, 35 illik bir dönəmdə Quzey Kıbrıs Türk Respublikasını tanımayan Türk dövlətləri bir neçə günün içində ard-arda Yunan Kıbrısını tanıdılar, orada elçiliklər açdılar. Bu fakt […]
Soylu Atalı. “Turan qurulur”, yoxsa yanlışları anlamaq istəmirlər
Bu gün ən çox dartışılan qonu “Türk Dövlətləri Təşkilatı”nın 4 üzvünün Yunanıstanın qurduğu “Kıprıs Respublikası”nı tanımalarıdır. Ortada ilginc fakt var, bu fakt bəlkə də son dönəmin ən böyük xəyanətlərindən biridir. Eldə məsəl var, – “bəy dediyin harda, bəyənmədiyin harda”. Əgər Türkiyəni işğalçı olaraq tanıyacaqdınızsa, nədən “TDT” (Türk Dövlətləri Təşkilatı) yaradırdınız?! Kim(lər)i aldadırdınız, niyə aldadırdınız?! – […]
Xaliq Bahadır. Ərdoğan Türkiyəni fəlakətə aparır
ABD prezidenti D.Trampla, Türkiyə prezidenti T.Ərdoğan arasına Türkiyənin yararına olmayan çox ilginc gəlişmələr yaşanmaqdadır. ABD ilə Türkiyə arasında deyil, ABD prezidenti Trampla Türkiyədə özünün Tək Adam rejimini qurmuş Ərdoğan arasında- Türkiyə üçün qorxulu olan da burasıdır. Ərdoğanın aylarla sürən çalışmalarından sonra, Tramp Ağ evdə onunla görüşməyi aprelin sonlarına saxlayıb. İsrail prezidenti B.Natanyahu üçünsə Ağ evin […]
Asif Ata. Tarix
Tarix həmişə əbədiliyə, kamilliyə, sonsuzluğa can atıb. Bu baxımdan o, ruhanidir. Tarix həmişə nisbini, qeyri-kamili, sonlunu təsdiq edib. Bu baxımdan o, qeyri-ruhanidir. Tarixdə nisbilik – Mütləqilik, sonlu – sonsuz, maddi – mənəvi biçimdə təzahür edib, qeyri-ruhanilik ruhanilik şəklində təqdim olunub. Tarixdə ruhani niyyətlə qeyri-ruhani gerçəklik, ruhani məqsədlə qeyri-ruhani nəticə arasında daim uçurum olmuşdur. Tarixdə möhtəşəmlik, […]
Asif Ata. İnsan Xeyiri
Aprel 19th, 2024 
admin 
Başsağlığı
Aprel 15th, 2024 admin Asif Atanın Mütləqə İnam Ocağı Ocaqdostu Famil bəyə anası Nazilə xanımın ölümü ilə bağlı ailəsinə, yaxınlarına, dostlarına dərin hüznlə başsağlığı verir.
Balalarında, Yurdunda, Ulusunda yaşasın!
“Matəm üstə Mütləqlə Təmas”
Ölən – Əzəlidə qalır.
Əbədidə qalır.
Sonsuzda qalır.
Kamildə qalır.
Üzlərdə qalır.
Gözlərdə qalır.
Dodaqlarda qalır.
Xalqda qalır.
Ölən – Gerçəklikdən gedir – Mənada qalır.
Asif Ata. İnsan Qəbahəti
Aprel 13th, 2024 admin Mütləqdən ayrılmaq. Müqəddəslikdən ayrılmaq. Həqiqətdən ayrılmaq. Ədalətdən ayrılmaq. İlkinlikdən ayrılmaq. Ruhanilikdən ayrılmaq. Heyrətdən ayrılmaq. Həsrətdən ayrılmaq. Cürətdən ayrılmaq. Tarixdən ayrılmaq. Qəhrəmanlıqdan ayrılmaq. Fədakarlıqdan ayrılmaq. Aşiqlikdən ayrılmaq. Dahilikdən ayrılmaq. Ülvi yollardan ayrılmaq. Vüsaldan ayrılmaq. Ardını oxu »
Xaliq Bahadır. Türklük ayrıca sivilizasiyadır
Aprel 10th, 2024 admin Bir “professor” belə uydurma tezislə çıxış eləyib: “Türk millət deyil, ümmətdir”. Avropadan yayınlanan bir televizya bu uydurmanı əlüstü tirajlayıb. Burası olduqca ilginc görsənişdir: Azərbaycan kimi müsəlman ölkələrindəki hüquqsuzluğa, dərəbəyliyə, mənliyin alçaldılmasına dözməyərək ölkədən gedənlər var-dövləti aşıb-daşan ərəb ölkələrinə deyil, Avropaya, Amerikaya, başqa sözlə, sevmədikləri, bəyənmədikləri xristian ölkələrinə üz tuturlar. Sonra da bir çoxları orada ərəblik-müsəlmanlıq yolçuluğu yapır, ərəblik-müsəlmanlıq ideologiyasının qızğın carçıları rolunda çıxış edirlər.
Yeri gəlmişkən, Qazaxıstandan olan blogerin sosial şəbəkədə yayılmış çıxışına görə, bir sıra ərəb dövlətləri müsəlmanlıq propaqandası üçün açunun dörd bir yanında jurnalistlərə, blogerlərə çoxlu pul verirlər. Ola bilər, sözümüz yoxdur, pulları çoxdur, verirlər: neft-qaz milyardları bir yana, təkcə Kəbədə həcc ziyarətindən ildə 20 milyard dollardan artıq pul yığılır. Kəbənin yiyəsi öz çağında demişdi: “Elm öyrənmək cənab Allahın yanında namazdan, orucdan, həccdən, cihaddan üstündür”. Siz bunu indiyədək Azərbaycandan tutmuş ta Ərəbistana gedib çıxanacan bir din böyüyünün dilindən eşitdinizmi? Eşitməzsiz, eşidə bilməzsiz-bilim (elm) gözü açır, düşüncəni dirildir, o üzdən bilimə çağıran belə örnəklərin 1400 ildən anarı tutulması gərəkli bilinir. Başqa sözlə, bilim qorxulu düşmən, cəhalət əlverişli arxadaş sayılır. “Cəhalət yenilməsi gərəkən ən böyük düşməndir”, deyən Atatürkü bir çox din böyüklərinin düşmən gözündə görməyi buna görədir. Ardını oxu »
Asif Ata. İnsan Ləyaqəti
Aprel 8th, 2024 admin İdeala heyrət. Gözəlliyə heyrət. Mütləqlə vəhdət.
Zamana sığmamaq. Mühitə sığmamaq.
Yalansızlıq. Ehkamsızlıq. Xülyasızlıq. Cəhalətsizlik. Cinayətsizlik.
Tək yanmaqdan çəkinməmək.
Yırtıcılıq üzərində qələbə. Xudpəsəndlik üzərində qələbə. Qorxaqlıq üzərində qələbə. Hərcayilik üzərində qələbə. Məkr, fitnə üzərində qələbə. Ətalət üzərində qələbə.
Həqiqət eşqi. İdrak eşqi. Xeyir eşqi. Təbiət eşqi.
Vətənsevərlik. Bəşərsevərlik. Ardını oxu »
İnamlı Atalı. İnsanlaşmağın gərəkliyi
Aprel 4th, 2024 admin Asif Atanın “Mütləqə İnam” Bitiyində “İnsan” əsəri var. Bu əsərdə, dünyaya göz açan insanın ana qucağından başlayaraq dünyanı tanıması izah olunur. Biz də Asif Atanın bu əsərindən insan-dünya münasibətlərinin inkişaf mərhələlərini araşdırıb öyrənməyə çalışırıq. İnsan dünyaya göz açır, böyüyür, müşahidələr aparır, dünya ilə dünyadakıların birliyini anlamağa çalışır. İnsan görür ki, dünyadakı cisim və olaylar bəsit, sönük, etkisiz deyildir. Onlar özünəxas özəlliklərlə (əlamətləri, nişanələrilə) izlənir. Bu özəlliklər olmasaydı, cisimlər sadəcə kütlə yığınından, olaylar isə quru görsənişlərdən başqa bir şey olmazdı. Cisim və olaylar özlərini əlamətləri ilə bildirir, bir-birinə özünəxas əlamətləri ilə qarşılıqlı etki göstərirlər. Ardını oxu »
Asif Ata. Özünə sığmayan dünya
Mart 30th, 2024 admin Günəş səmaya sığmır. Dilək ürəyə sığmır. Dəniz məcraya sığmır. Ruh bədənə sığmır. Səs sinəyə sığmır. Fikir sözə sığmır. İnsan ölümə sığmır. Ömür taleyə sığmır. Səda sükuta sığmır. Gecə zülmətə sığmır. İnsan özünə sığmır. Bəbək gözünə sığmır. Çiçək çöllərə sığmır. Meyvə budağa sığmır. Ayaq yollara sığmır. Qartal dağlara sığmır. Heyrət tərifə sığmır. Qüdrət tarixə sığmır. Pələng meşəyə sığmır. Zəka ağıla sığmır. İgid qorxuya sığmır. Müdrik dövrana sığmır.
Körpə bələyə sığmır. Aşiq bəlaya sığmır. Qəzəb acığa sığmır. Dalğa dənizə sığmır. Çalğı pərdəyə sığmır. Atəş daxilə sığmır. Kəlmə dodağa sığmır. Maral oylağa sığmır. Vüqar dağlara sığmır. Sellər çaylara sığmır. Əllər əllərə sığmır. İsmət qiymətə sığmır. Ardını oxu »
Paşa Talıblı. Şeirlər
Mart 30th, 2024 admin Yetənə sofu deməzlər…
… cəmi – aşiqlərin cəmi neçədi?
Məndən soran olsa cəm ustasıyam…
… gülgün şərab üçün badə gərəkdi!
Badə nədi, yahu, cam ustasıyam…
… yaraşır hay əyri, haray dikinə!
Mən hər gün, hər saat, hər ay tikirəm –
bağlı könüllərə saray tikirəm,
tikməyin dostuyam, həm ustasıyam…
Paşam der, sofudu ruhu təmizlər…
… qulun da haqqı var, haqqı yeməzlər!
… yetənə qəm dostu, sofu deməzlər!
Mən dərviş deyiləm, qəm ustasıyam…
Gecə məşqi… Ardını oxu »
Asif Ata. Novruzluğumuz
Mart 19th, 2024 admin (Fəlsəfi-bədii məqam)
I
Zərdüştlüyümüz – Oda tapınmağımız, işıqlanmağımız, təzələnməyimiz, təmizlənməyimiz.
Hürmüzdlüyümüz – Əhrimənlə döyüşümüz, qaranlığı yarmağımız – müqəddəs Fikrə, Sözə, Əmələ yüksəlməyimiz.
Daxildən yetişən əsilliyimiz, əzəli yanmağımız, vəcdli idrakımız, inamımız.
Xəbislikdən, hərislikdən, həsəddən, qorxudan xilasımız.
… Ayrıldıq Zərdüştlüyümüzdən, özümlüyümüzdən, qapıldıq, qatıldıq qəzavü-qədərə, cənnətə-cəhənnəmə – o dünyaya, hurilərə-pərilərə – Özgələşdik – Özümüzə qayıtmaq gərək!
Soylu Atalı. “Od İşığı” ideyası
Mart 19th, 2024 admin Bəşər xalqlarının ən qədim inancları sırasında, bəlkə də, Tanrıçılıq dünyabaxışı birinci yerdə gəlir. Bu dünyabaxışa görə hər şey Doğada baş verir, hər şeyi Doğanın özü yaradır. Onu da deyək, bu baxış bilimdə ilk türk panteizmi olmuşdur. Anlamına görə Materializmlə heç də eynilik yaratmır. Tanrıçılıqda, Doğada ilahi uyum olduğu vurğulanır, başqa cür desək, Doğa özü ilahi sayılır. Materializmdə isə hər şeyin əsasında Materiya durur, ancaq burada heç bir ilahi uyum, qüdrət qəbul olunmur.
Dedik, Tanrıçılıqda Doğanın özünün ilahi uyum olduğu qəbul olunur. Burada Doğanın 4 ünsürü – torpaq, hava, su, od yaranışın qaynağı sayılır. Bu gün də xalqımız bu 4 ünsürü, dörd çərşənbə adı ilə bayram edir. Günün farsca adlanması yanlışdır, ancaq anlam dəyişmir. Bununla bağlı sonrakı bölümdə aydınlaşdırıcı söz deyiləcək. Ancaq burada başlıca məsələ ünsürlərin anlamı ilə bağlıdır. Ardını oxu »
