Soylu Atalı. Var Olmağı İstəmək gərəkdir

(Amaldaşlarla dialoq silsiləsindən) … Ağlın sevinməsi fiziki yaşama daha çox bağlıdır. Ürək (əslində duyğular) bəsit durumda olanda ağıl həyat üçün qazandıqlarından sevinir. Bütün varlığını həyat üçün qazanmağın peşində göstərənlər mənəvi dünyanı tanıya bilmirlər. Ancaq ürəyin sevinməsi o vaxt başlayır ki, insan öz varlığını anlayır, öz varlığını həyata keçirir (öz varlığını yaşama gətirir), öz varlığını sonsuzluq […]

ƏLİSAFA MEHDİ. “…OLMAZ, OLMAZ!” DEYİRSƏN

Günəşin çəkilib gedib yer üzünə dinclik verdiyi an, min cür dən-düş, geyim-görüm çabaları etdiyimiz gündüzdən qurtulub ruhumun dincliyində xoş duyğulara qoşulduğum an bir səsin, bir nəğmənin harayına boylandım. Hardan gəlirdi bu səs? Həzin ladlar üstündə bir qız oxuyurdu. Elə bil bu səs qeybdən gəlirdi, elə bil bu səs ilkindən sonuna qismət verilmiş bir taleyin bayatısı […]

Asif Ata. 20 Yanvar

Qərb Erməniləri Qorbaçovşinadan incimişdilər. Moskva Erməniləri Qorbaçovşinadan incimişdilər. Ermənistan Erməniləri Qorbaçovşinadan incimişdilər. Balalarımıza güllə atılmalıydı. Qorbaçovşina inciyənlərlə barışmalıydı. Azərbaycan hökuməti özünün elan etdiyi suverenliyə elə inandı ki, özünü doğrudan da, müstəqil saydı və Mərkəzə diş qıcartdı. Mərkəz də onun dişini qırıb qarnına tökdü. Nəqliyyat Blokadaçılarına atıldı balalarımıza atılan güllə.Neftçalalılara atıldı.

Soylu Atalı. 20 Yanvar Dərsi

Zərdüşt Əsilliyik – İşıqçılıq həsrətlisiyik. Qaranlığa alışmadıq, «20 Yanvar» yaratdıq. Babək Əsilliyik – Azadlıq həsrətlisiyik. Əsarətə dözmədik – «20 Yanvar» yaratdıq. Dədə Qorqud Əsilliyik – Mərifət təşnəsiyik. Təhqirə dözmədik – «20 Yanvar» yaratdıq. Nəimi–Nəsimi Əsilliyik – Daxili Kamillik həsrətlisiyik. Cəhalətin zülmünə dözmədik – «20 Yanvar» yaratdıq. Füzuli Əsilliyik – Aşiqlik pərəstişkarıyıq. Həyasızlıq təqibinə dözmədik – […]

Paşa Talıblı. Şeirlər

                                                                                                              […]

Xaliq Bahadır. Tahir Abbaslı

İyun 8th, 2022 admin

Uzun, uzun bir yolu keçib getdik, arxadaş,
Bu açunu su kimi içib getdik, arxadaş.
Yanğı içində qaldıq… yolumuz bitər oldu,
Biz yetəməz olana özgələr yetər oldu.
Ölkəmizi sevməyi çoxlarına öyrətdik,
Biz gerçəyi bitirdik, biz düzgünlük ürətdik.
Bacardıq-bacarmadıq, nələr oldu-olmadı,
Bir yol tutduq sonadək: Özgürlük idi adı!

Bir yol tutduq sonadək – bizi o yol yaxınlaşdırmış, o yol birləşdirmiş, o yol arxadaş eləmişdi. O yol Sovet dönəmindən başlamışdı. Sovetin yıxılıb dağılmasından keçdik. Bir sosial-politik formasiyadan başqasına keçid dönəmini yaşadıq. Üzləşdiyimiz (birilərinin satqınlığı, dönüklüyü üzündən üzləşməli olduğumuz) acımasız diktaturanın, yırtıcı kapitalizmin bütün acılarını yaşayası olduq. Biz o uzun dönəmi elə-belə, passiv yurddaş olaraq yaşamadıq, sürəkli çarpışma içində yaşadıq… Ardını oxu »

Asif Atanın (İnam Atanın) ölümünün 25 illiyi qarşısında

İyun 7th, 2022 admin

Ürəyinizdə Günəş olsun, sayğılı yurddaşlarımız.
Bu gün böyük Azərbaycan filosofu, Mütləqə İnam Dünyabaxışının yaradıcısı Asif Atanın ölümündən 25 il ötdü. Bu il də, hər il olduğu kimi, Asif Ata Ocağının Evladları, eləcə də,  Ocaqsevərlər Ağstafa sonevliyində Asif Atanın sonevini (qəbrini) ziyarət etmişlər. Onun ideyası, düşüncə yönü ilə bağlı söz deyilmiş, ”Anım törəninin quralları” yerinə yetirilmişdir. Ardını oxu »

Asif Ata. 28 May

May 28th, 2022 admin

XX əsrin Siyasi Dünyasında Qərb–Rusiya hökmdarlığı qərar tutdu.
Həmin birlik kapitalizm təməli üzərində baş qaldırdı, sonradan sosializm ideyalarının təsirinə məruz qaldı.
Kapitalizm xüsusi sahibkarlığa, sosializm ictimai sahibkarlığa əsaslandı; hər ikisi beynəlmiləlçi, kosmopolit mahiyyət daşıyırdı və zəhmətkeşə qarşıydı.
Rusiya ictimai-siyasi baxımdan Qərbdən geri qalırdı, ancaq imperiya daxilində Qərbi təmsil eləyirdi. Rusiyalıq Qərblik kimi tanınırdı; Rusiya ziyalısı, Rusiya sahibkarı adlı hadisə yaranmışdı; koloniya ölkələrinin yuxarı zümrəsi sürətlə komprodorlaşırdı – əcnəbiləşirdi, özgələşirdi… Şərqdə yaranan panislamizm Qərb–Rusiya Birliyinə qarşı durmurdu; ona uyğunlaşırdı, imperialist birlik panislamizmdən bəhrələnə bilirdi: çevik siyasət nəticəsində panislamizmdən Qərb–Rusiya sözəbaxanı düzəlirdi.

Ardını oxu »

Soylu Atalı Zelenskini suçlayanlara

May 7th, 2022 admin

İstənilən olay kimi, Rusiya-Ukrayna savaşı da, dünyada da, bizim toplumumuzda da fərqli baxışlar ortaya çıxarıb. Hər bir baxış yiyəsi də öz baxışını ədalətli sayır. Bu da doğaldır, kimsə baxış sərgiləyirsə, baxışını haqlı saymalıdır. Bir kəsim deyir, Ukraynanın dövlət başçısı Batının oyununa gəldi, ara yerdə Ukrayna xalqı fəlakətlərlə üz-üzə qaldı. Bir kəsim deyir, Ukraynanın başqa yolu qalmadı, öz vətəninin bağımsızlığını Rusiya işğalından qorumalı idi. Mənim baxışım da belədir, yəni Ukrayna öz bağımsızlığını qorumalı idi, qorumağa çalışır da. Hansı dövlətin kimi qızışdırmasından asılı olmayaraq, bu savaş başladı, onu da Ukrayna deyil, Rusiya saldırdı. Ardını oxu »

Yadigar Türkel. Günaydın.

Aprel 28th, 2022 admin

1

Ermeni ideoloji savaşını bütün gücü ile sürdürür. Yağı “Yandex” –“Dzen”de Azerbaycan Türklerile bağlı nece aşağılayıcı yalan-palanlar yazdırır… “Dzen”de arabir bizden de “Get, Ay batandan sonra gel, ay oğlan” biçimli yazılar yazılır. Bilmirem onları kim yazdırır? Ancag bir şey aydındır: Azerbaycandan  Ermeninin ideologiya maşınını dağıdacag biçimde ideoloji, bilimsel iş yoxdur. Azerbaycan Respublikasının on illerle çox çetinlikle yetişmiş bilimçi ideologları, politik yazı, danışıg dili oluşan analitik jurnalistleri, publisistleri, yazarları susdurub, işden çıxarmış, ölkeden govmuş, özgür basını dağıtmış avtoritar prezidenti İlham Aliyev galıb tör-töküntü jurnalistlerin elinde. Avtoritar düşünce dölaşığında galmış bu yaltagların da iki sözünden biri dövletimizin başçısı bele dedi, birinci vitse-prezidentimiz ele dedi, ümumilli liderimiz bele deyibdir… Bilimsel düşünce yox, politik analiz yox! Dünen bir yurddaş Sosial Basında psixiatr-doktortek yazmışdı: “Bunlar derman atmalıdırlar, ancag Açı yönetirler”… Ardını oxu »

Asif Ata Milli Hökumətin Devrilməsi

Aprel 28th, 2022 admin

Asif Ata:
(Üzünü zala tutub) Ürəyinizdə Günəş Olsun!
Onda ən soyuq havada belə üşüməzsiniz.
Azərbaycanlılar dünyanın arxasına düşəndə uçuruma düşdülər. Azərbaycan dünyanın əks-sədası olanda səsi batdı.
Azərbaycan dünya adlanan dairəyə düşəndə çıxa bilmədi. Azərbaycanlılar özümlü olmayanda özgələşdilər. XX əsrdə dünya Rusiya idi və dün­ya Avropa idi. Avropadan səs gəlirdi, Şərqdə əks-səda verirdi. Şərqin fəlakəti onda idi ki, öz dünyasından ayrılmışdı. Orda həll olunurdu bütün dünya məsələləri. İnqilablar orda həll olunurdu – Avropada. Rusiya da Avropanın rəmzi sayılırdı, Rusiyadakılar da. Ona görə Rusiya yaşayırdı. Heç kəs yaşamırdı və yaşayan da Rusiya kimi yaşayırdı – onun kölgəsi kimi. Ardını oxu »

“Babəki verən xalqın özünü balaca sayması günahdır” (Babəkin edam olunmasının 1184-cü ildönümü qarşısında)

Mart 13th, 2022 admin

(14 mart Böyük Babəkin edam olunduğu gündür)

 Yasin Türksoy: Ürəyinizdə Günəş olsun, sayğılı yurddaş­larımız! Bu gün biz Babək Xürrəmdinin edam olunmasının ildönümü qarşısındayıq. Azərbaycanın milli dəyərlərinə qarşı münasibət bir mənalı olmadığı kimi, Babəkə qarşı da münasibət bir mənalı deyil. Kimlərsə Babəki İslam Dünyabaxışının daşıyıcısı, müsəlman hesab edir, kimlərsə Sovet ideologiyasının ortaya çıxardığı ateist hesab edir, bir kəsim isə Babəki Azadlıq qəhrəmanı hesab edir. Bəs kimdir Babək? Bu suala cavab tapmaq üçün, milli düşüncə sahibləri olan aydınlarımıza üz tuturuq: Mütləqə İnam Ocağının Yükümlüsü Soylu Atalı, ideoloji mübarizənin öncüllərindən Xaliq Bahadır, Azərbaycanımızın Güneyindən olan aydınımız Ağşın Ağkəmərli suallarımızı cavablandıracaqlar. Burada bizimlə gənc dostlarımız da iştirak edirlər.
– İlk sual Ağşın bəyədir. Ağşın bəy, Babək Xürrəmdinliyin başçısı olana qədər kim idi?

Ardını oxu »

Asif Ata. BABƏKLİYİMİZ – XÜRRƏMDİNLİYİMİZ (Babəkin edam olunmasının 1184-cü ildönümüdür)

Mart 13th, 2022 admin

I. Fərəh İnamı

 Babək Ləzzət İnamı yaratmamışdı. Fərəh İnamı yaratmışdı.
Ləzzət İnamçısı 23 il Xəlifətlə döyüşməzdi – ləzzətindən keçməzdi, – Babək özündən keçmişdi.
Babək İnamının Yazılarını məhv eləyiblər, ancaq Babək əməli gəlib bizə çatıb. Babək əməli əsasında Babək İnamını fəhm etmək olar.
İnsan Dünyaya Fərəh üçün gəlib, ən böyük Fərəh isə – Azadlıqdır. Azadlıq – İnsanın özünəməxsusluğu, özünəsahibliyi, özündən asılılığıdır.
Azadlıq – İnsanı İnsandan kənardakı Zorakı qüvvəyə yox, özünə tapşırır: Azadlıqda – İnsan Aqibətini özü yaradır, ömrünü özü Yazır, özündən kömək diləyir, – əfsanələrdən, xurafatdan, xülyadan yox; özünə əl uzadır – əfsanələrə, xurafata, xülyaya yox; özünə çatır – əfsanələrə, xurafata, xülyalara yox; həqiqətə inanır – cəfəngiyyata yox; Azadlıqdan böyük cənnət tanımır, əsarətdən böyük cəhənnəm; Xeyirdən böyük mükafat tanımır, Şərdən böyük cəza.

Ardını oxu »

Soylu Atalı. Babək Özgürlük simgəmizdir (14 mart 838-ci ildə, Samirədə, Babək amansızcasına edam olunmuşdur)

Mart 13th, 2022 admin

(Babək Günü ilə bağlı toplantıda çıxışdan)

 Tarix boyu Azərbaycanın dəyərlərinə çoxsaylı hücumlar olub, bu gün də var. Bizi, bir millət olaraq, sıradançıxarma gedişləri var. Bunu dövlət siyasəti səviyyəsində həyata keçirirlər. Buna dirəniş göstərməyin ilk addımı, özümüzün ayaqda qalmağımız üçün, tutacağımız dəyərlərimizi tanımaqdan başlayır. Bizi millət eləyən nə varsa, onları öyrənməliyik, bilməliyik. Onları təkcə öyrənməli, bilməli deyilik, milli gələnəklərimizdə yaşadıl­masına çalışmalıyıq.
Babək haqqında tarixi faktları burda vurğula­mayacağam. Bilirsiniz, Babək haqqında çoxsaylı yanlışlar var. Bu yanlışlar təkcə onun tarixi faktlarına yanaşmada deyil, bütövlükdə Babəkin sunulması, öyrə­dilməsi, bir dəyər olaraq, bir mənəviyyat faktı olaraq pozuntuya uğradılır (təhrif olunur). Ən yaxşı halda isə Babəki ərəb işğalçılarına qarşı döyüşən bir qəhrəman sayırlar. Ardını oxu »

Xaliq Bahadır “Müttəfiqlik” absurdu

Fevral 27th, 2022 admin

Bildirildiyinə görə, “Rusiya Xarici İşlər Nazirliyi Türkmənçay bağlaşmasını saxtalaşdırıb, ora “Doğu Ermənistan” sözünü artırıb. Bu, dünən, yeni bağlaşma bağlanandan sonra baş verib.
Elə dünən “müttəfiqlik” bağlaşmasının ardından Az TV-lər aldıqları tapşırığa uyğun olarq yenə aldadıcı propaqandaya hız verdilər: sən demə, Putinin diktəsiylə qollanan o bağlaşma Azərbaycana hava-su kimi gərəkmiş, bağlaşmadan sonra Azərbaycan Rusiyanın ən yaxın “müttəfiqi” olaraq Güney Qafqazda ən güclü, başlıca dövlətə çevriləcək, “Ermənistan” isə ayaq altında qalıb itəcəkmiş. Az TV-lərin bildirdiyinə görə, o üzdən ermənilər qaralar bağlayıb göz yaşı axıtmaqdadırlar. Ardını oxu »

« Older Entries
Newer Entries »
Açıklama
Powered by WordPress | Designed by: best suv | Thanks to trucks, infiniti suv and toyota suv